Hələ təqdim edilməmiş Samsung Galaxy Tab S9 FE planşet seriyası barəsində məlumatlar internetdə ortaya çıxmağa davam edirlər. İndi isə bu planşet seriyasına daxil olacaq modellərin Avropa bazarında hansı qiymətə satılacaqları barəsində məlumat ortaya çıxıb. Qeyd etmək lazımdır ki, sözügedən yeni planşet seriyasına Galaxy Tab S9 FE ilə yanaşı həmçinin Galaxy Tab S9 FE+ modeli də daxil olacaq.

    Beləliklə ortaya çıxmış məlumata əsasən 11 düym ekrana sahib olacaq Galaxy Tab S9 FE modelinin 6 GB RAM və 128 GB daxili yaddaş həcmi ilə təchiz olunacaq versiyası 549 avroya satılacaq. 12.4 düym ekrana sahib olacaq Galaxy Tab S9 FE+ modelinə gəldikdə isə onun 8 GB RAM və 128 GB daxili yaddaş həcmi ilə təchiz olunacaq versiyası 749 avroya satılacaq. Qeyd etmək lazımdır ki, hər iki planşetin Exynos 1380 prosessoru vasitəsilə çalışacağı gözlənilir. Galaxy Tab S9 FE planşet seriyasının nə zaman təqdim olunacağı hələ bilinmir.