Samsung şirkəti hal hazırda Galaxy Tab S9 planşet seriyası üzərində çalışır və bu seriyaya daxil olacaq modellərdən biri də Galaxy Tab S9 Ultra olacaq. İndi isə insayderlər onun render fotolarını təqdim ediblər. Təqdim edilmiş render fotolardan görmək olar ki, yeni planşet xarici görünüşcə bir qədər Galaxy Tab S8 Ultra-ya bənzəyəcək. Məlumata əsasən Galaxy Tab S9 Ultra planşeti 14.6 düym ekran ilə təchiz olunacaq və özündə ikili arxa kameranı birləşdirəcək. Gözləntilərə əsasən planşet Snapdragon 8 Gen 2 prosessoru vasitəsilə çalışacaq və 8/16 GB RAM ilə təchiz olunacaq. Galaxy Tab S9 planşet seriyası qatlana bilən Galaxy Z Fold 5 və Z Flip 5 smartfonları ilə birlikdə təqdim olunacaq. Sözügedən smartfonların isə iyul ayının sonunda təqdim olunacağı güman edilir.