Samsung Galaxy Watch 6-nın hansı prosessor vasitəsilə çalışacağı məlum olub

    Samsung şirkəti Galaxy Watch 6 smart saatının təqdimatına hazırlaşır. İndi isə sözügedən smart saat Bluetooth SIG adlı təşkilatın məlumatlar bazasında ortaya çıxıb. Nəticədə Galaxy Watch 6-nın hansı prosessora sahib olacağı məlum olub. Beləliklə məlumata əsasən smart saat Exynos W930 prosessoru vasitəsilə çalışacaq. O, Galaxy Watch 5-də olan Exynos W920 prosessorunu əvəz edəcək.

    Yeni prosessor sayəsində Galaxy Watch 6-nın performans göstəricisi 10% yüksəlməlidir. Daha öncəki məlumat sızıntılarına əsasən Samsung-un yeni smart saatı 1.47 düym ekran və 425 mAh enerji tutumlu batareya ilə təchiz olunacaq. Qeyd etmək lazımdır ki, Galaxy Watch 6 smart saatı qatlana bilən Galaxy Z Fold 5 və Z Flip 5 smartfonları ilə birlikdə Galaxy Unpacked tədbiri çərçivəsində təqdim olunacaq. Galaxy Unpacked tədbirinin isə gələn ayın sonunda baş tutacağı gözlənilir.