Samsung Galaxy Watch 6 smart saatlarının reklam fotoları təqdim edilib

    Samsung gələn ayın sonunda Galaxy Unpacked tədbirini keçirtməlidir. Baş tutacaq tədbirdə qatlana bilən Galaxy Z Fold 5 və Z Flip 5 smartfonları ilə yanaşı Galaxy Watch 6 smart saat seriyası da təqdim ediləcək. Yeni smart saat seriyasına adi Galaxy Watch 6 ilə yanaşı həmçinin Galaxy Watch 6 Classic də daxil olmalıdır. İndi isə insayderlər sözügedən smart saatların keyfiyyətli reklam fotolarını təqdim ediblər.

    Təqdim edilmiş reklam fotolarından da görmək olar ki, Galaxy Watch 6 ilə Watch 6 Classic smart saatları öz əvvəlki modellərinə bənzəyirlər. Adi Galaxy Watch 6 modeli ölçü baxımından bir qədər kiçik olacaq. Galaxy Watch 6 Classic modeli isə öz dəri kəməri və hərəkətli gövdəsi ilə fərqlənəcək. Bu smart saatlar ümumilikdə 4 möxtəlif ölçüdə satışa çıxacaqlar. Adi Galaxy Watch modeli 40 mm və 44 mm gövdə ölçüsünə, Galaxy Watch 6 Classic modeli isə 43 mm və 47 mm gövdə ölçüsünə sahib olacaq. Hər iki model Exynos W930 prosessoru vasitəsilə çalışmalıdır.