Samsung Galaxy Watch 6 və Watch 6 Pro barəsində məlumatlar ortaya çıxıb

    İnternetdə Samsung şirkətinin Galaxy Watch 6 və Watch 6 Pro smart saatları barəsində məlumatlar ortaya çıxmağa davam edir. Beləliklə verilmiş yeni məlumata əsasən sözügedən smart saatlar 4 müxtəlif gövdə ölçüsündə təqdim olunacaqlar. Adi Galaxy Watch 6 modeli 40 və 44 mm gövdə ölçüsünə, Galaxy Watch 6 Pro modeli isə 42 və 46 mm gövdə ölçüsünə sahib olacaq. Bununla yanaşı müxtəlif gövdə ölçülərinə sahib modellər öz aralarında həmçinin batareya həcmi baxımından da fərqlənəcəklər.

    Belə ki, 40 mm gövdə ölçüsünə sahib adi Galaxy Watch 6 modeli 300 mAh, 44 mm gövdə ölçüsünə sahib adi Galaxy Watch 6 isə 425 mAh enerji tutumlu batareya ilə təchiz olunacaq. Galaxy Watch 6 Pro-ya gəldikdə isə onun 42 mm ölçülü gövdəyə sahib versiyası 300 mAh enerji tutumlu batareya ilə təchiz olunacaq. Pro modelin 46 mm ölçülü gövdəyə sahib versiyasının hansı həcmli batareya ilə təchiz olunacağı məlum deyil. Lakin güman edilir ki, söhbət, 600 mAh-lıq batareyadan gedir. Galaxy Watch 6 smart saat seriyasının avqust ayında qatlana bilən Galaxy Z Fold 5 və Z Flip 5 smartfonları ilə birlikdə təqdim ediləcəyi gözlənilir.