Samsung gələn il 440 MP-lik kamera sensorunu təqdim edəcək

    Görünür, Samsung şirkəti hal hazırda mövcud olan 200 MP-lik kamera sensorundan daha yüksək göstəricidə bir kamera sensorunun hazırlanması ideyasından imtina etməyib. Ortaya çıxmış yeni məlumatlara əsasən Samsung artıq gələn il bu cür kameranı təqdim edəcək. Daha doğrusu şirkət gələn il 3 ədəd yeni kamera sensorunu təqdim edəcək. Birinci kamera sensoru GN6 adlı 50 MP-lik kamera sensoru olacaq. Onun matrisasındakı hər bir pikselin ölçüsü isə 1.6 mikrometr təşkil edəcək.

    İkinci kamera sensoru HP7 adlı 200 MP-lik kamera sensoru olacaq. Bu kamera sensorunun matrisasındakı hər bir pikselin ölçüsü 0.6 mikrometr təşkil edəcək. Üçüncü kamera sensoru isə HU1 adlı 440 MP-lik kamera sensoru olacaq. 440 MP-lik kamera sensorundakı matrisanın sahib olacağı hər bir pikselin hansı ölçüdə olacağı bilinmir. Məlumata əsasən sözügedən yeni kamera sensorlarının kütləvi istehsallarına 2024-cü ilin sonunda start veriləcək. Yəni gələn il Samsung-un flaqman smartfonlarında bu kamera sensorlarını gözləmək lazım deyil.