Samsung J seriyasının yeni modelini təqdim edib

Samsung şirkəti Galaxy J seriyasının yeni modelini təqdim edib. Galaxy J1 Ace Neo modeli 4.3 inç 480x800 piksel keyfiyyətli SuperAMOLED ekrana, 1.5 GHz tezlikli 4 nüvəli prosessora, 1 GB-lıq RAM-a, 8 GB-lıq daxili yaddaşa (microSD funksiyası dəstəklənir) və 1900 mAh enerji tutumlu batareyaya sahibdir. Yeni smartfon 5 MP-li arxa və 2 MP-li ön kamera ilə təchiz olunmuşdur. Qeyd etmək lazımdır ki, Galaxy J1 Ace Neo Android 5.1 Lollipop əməliyyat sistemi üzərində çalışır. Smartfon 3 rəng (ağ, qara və göy) versiyasında təqdim olunacaq. Hal-hazırda smartfonun qiyməti barəsində heç bir məlumat yoxdur.