Dünya hal-hazırda 5G şəbəkə sistemlərinə yavaş-yavaş keçid edir. Bu səbəbdən artıq şirkətlər də 5G texnologiyaları üzərində işləri sürətləndiriblər. Bunlardan biri də Samsung-dur. Şirkət özünün test laboratoriyalarında 5G-də mümkün olan ən yüksək sürəti əldə edərək rekorda imza atdı. Samsung, yüksək tezlikdə işləyən bir neçə şəbəkə kanalını birliktə istifadə edərək bu rekordu qıra bildi.

        Bu test zamanı Samsung, çox yüksək tezlikləri dəstəkləyən 5G modullarından (mmWave) istifadə etdi. Həmçinin bu testi reallaşdırmaq üçün ən son 5G modemləri ilə təchiz olunmuş cihazlar istifadə olundu. Test belə gerçəkləşdi: Əvvəlcə bu 2 cihaz çox yüksək tezlikli 5G modullarına siqnal göndərərək 4.3 Gbps sürətə çatdılar. Sonra isə 5G modemli bu 2 cihaz arasında 8.5 Gbps sürəti əldə etdilər. Qısaca saniyədə 8.5 GB həcmində trafik göndərmək/qəbul etmək mümkün oldu.

        Həmçinin qeyd edək ki, bu ilin əvvəllərində Samsung ilə Verizon şirkəti başqa bir test etmiş və bu test zamanı Verizon şirkətinin Teksasda yerləşən baza stansiyaları istifadə olunmuşdu. Bu test zamanı Verizon şirkəti Samsung-un yüksək tezlikli 5G modullarını istifadə edərək 800 Mhz spektri ilə 28 Ghz tezlik spektrini əlaqələndirə bilmişdi. Lakin testlərin nəticələri media ilə paylaşılmadı. Verizon, Samsung-un 5G modulları kommersiya məqsədilə istifadə etdiyini bildirmişdi.