Samsung növbəti Galaxy Buds naqilsiz qulaqlığı üzərində çalışır

    Samsung şirkəti sonuncu dəfə Galaxy Buds seriyasında naqilsiz qulaqlığı keçən ilin avqust ayında təqdim etmişdi. Söhbət, Galaxy Buds 2 Pro-dan gedir. İnsayderlərin verdikləri yeni məlumata əsasən isə şirkət yeni naqilsiz qulaqlıq üzərində çalışır. Məlumatda qeyd edilib ki, şirkətin yeni naqilsiz qulaqlığı Galaxy Buds 3 adını əldə edəcək. Galaxy Buds 3-ün texniki özəllikləri barəsində heç bir məlumat verilməyib.

    Sadəcə olaraq güman etmək olar ki, şirkətin yeni naqilsiz qulaqlılğı vakuum konstruksiyasına, ətraf səs-küyün aktiv boğulması funksiyasına və bir dəfə şarj olunandan sonra daha uzun müddət ərzində çalışma özəlliyinə sahib olacaq. Galaxy Buds 3-ün yaxın zamanda təqdim olunmasını gözləmək lazım deyil. Böyük ehtimal ilə o, avqust ayında qatlana bilən Galaxy Z Fold 5 və Z Flip 5 smartfonları ilə birgə təqdim ediləcək.