"Samsung” şirkəti yeni orta büdcəli smartfonunu Samsung Z2-ni təqdim edib.

Yeni smartfon Tizen 2.4 əməliyyat sistemi üzərində çalışır. Şirkətin digər Tizen smartfonları kimi Z2 də orta büdcəli seqment üçün nəzərdə tutulub. Hal-hazırda Z2 Hindistanda təqdim olunub. Telefonun qiyməti 68$ təşkil edir. Bu cür qiymətinin olmasına baxmayaraq cihaz əsas baza funksionalığından əlavə LTE və VoLTE yüksək sürətli şəbəkələri dəstəkləyir. Samsung Z2-nin texniki göstəriciləri ilə aşağıdan tanış ola bilərsiniz.

- 800x480 piksel keyfiyyətli 4 inç TFT ekran

- 1.5 GHz tezlikli 4 nüvəli prosessor

- 1GB RAM və 8GB daxili yaddaş (microSD dəstəklənir)

- 5MP arxa kamera və VGA formatlı ön kamera

- 1500mAh enerji tutumlu batareya.

Samsung Z2 qızılı, qara və tünd qırmızı rənglərdə 29 Avqust tarixindən satışa çıxacaq.