Samsung öz smart üzüyünün son hazırlanma mərhələsindədir

    Son zamanlarda ortaya çıxmış məlumatlara əsasən Samsung şirkəti smart üzük üzərində çalışır. Çinin IThome adlı saytının vermiş olduğu yeni məlumata əsasən Samsung öz smart üzüyünün son hazırlanma mərhələsindədir və onun kütləvi istehsalına yaxın zamanda start verilməlidir. Smart üzüyün gələn ilin əvvəlində satışa çıxacağı gözlənilir. Məlumatda qeyd edilib ki, smart üzüyün istehsalı məsələsində Samsung şirkəti Yaponiyanın Meiko Electronics adlı şirkəti ilə əməkdaşlıq müqaviləsi bağlayıb. Sözügedən şirkət smart üzük üçün platanın istehsalı ilə məşğul olacaq. Samsung isə öz növbəsində ABŞ və Avropada aşağıdakı əmtəə nişanlarının qeydiyyat sorğularını göndərib.

Məlumatda qeyd edilib ki, Samsung-un smart üzüyü Galaxy S24 smartfon seriyası ilə birlikdə təqdim olunacaq.