Samsung şirkəti daha bir Galaxy Watch 6 modelini təqdim edə bilər

    Samsung şirkətinin 26 iyul tarixində baş tutacaq Galaxy Unpacked təqdimat tədbiri çərçivəsində təqdim olunacaq yeni məhsullar arasında Galaxy Watch 6 smart saat seriyası da olacaq. Sözügedən seriyaya Galaxy Watch 6 ilə Watch 6 Classic modelləri daxil olmalıdır. Ortaya çıxmış yeni məlumata əsasən şirkət təqdimat çərçivəsində daha bir Galaxy Watch 6 modelini təqdim edə bilər. Söhbət, Galaxy Watch 6 Business-dən gedir. Sözügedən modelin adi Galaxy Watch 6 ilə Watch 6 Classic-dən nə ilə fərqlənəcəyi tam aydın deyil. Lakin adından da bəlli olduğu kimi Galaxy Watch 6 Business böyük ehtimal ilə iş adamları üçün nəzərdə tutulacaq. Galaxy Watch 6 Business adlı modelin dəqiq şəkildə təqdim edilib-edilməyəcəyi bilinmir. Bunu yalnız 26 iyul tarixində öyrənmək mümkün olacaq.