"Samsung" şirkəti problemli Galaxy Note 7 sahibləri üçün həll üsulu təklif edib
Elm & Texnologiya
07.05.2017
Farid
Galaxy Note 7 modellərinin geri çağırılmasından
sonra "Samsung” şirkəti növbəti açıqlama ilə çıxış edib. Rəsmi açıqlamaya görə,
cihazların dəyişdirilməsi ABŞ-da baş tutacaq. Kampaniyanın gələcək həftədən
başlanması nəzərdə tutulur. Prosesin iki variant üzrə həyata keçirilməsi gözlənilir:
Galaxy Note 7 modelinin yenisi ilə əvəz olunması və ya Galaxy Note 7 cihazının Galaxy
S7 və ya Galaxy S7 Edge ilə dəyişdirilməsi. Təbii ki, ikinci halda qiymət
arasındakı fərqi ödəmək üçün aksessuarların da dəyişdirilməsi nəzərdə tutulur. Dəyişmək üçün "Samsung”un rəsmi firma
mağazasına müraciət edilməli və ya Galaxy Note 7-nin təmir olunduğu yerə cihaz təhvil
verilməlidir. Bundan əlavə zərərçəkən müştərilərə 25$ dəyərində hədiyyə kartının da verilməsi nəzərdə tutulur.
Qeyd
edək ki, iPhone 7-nin çıxışına sayılı günlər qaldığı vaxtda Samsung-un belə addım
atması gözləniləndir. Şirkət bu yolla ABŞ-da öz satışlarını qoruyub saxlamaq
istəyir.
Paylaş
Bənzər xəbərlər
