Təqdim olunmuş bu seriyaya Galaxy J3, Galaxy J5 və Galaxy J7 smartfonları daxildir. Onlar bu yay fəslində satışa çıxacaqlar. Bu ilki Galaxy J seriyasında olan smartfonlar metal korpusa sahibdirlər və eyni dizaynda hazırlanıblar.

Galaxy J7-nin korpusu, IP57 standartı üzrə tozdan və 1 metr dərinlikdə sudan qorunmaya özəlliyinə sahibdir. Digər smartfonlar bu standarta sahib deyillər. Bundan əlavə olaraq Galaxy J7, barmaq izi skanı ilə təchiz olunub. Digər texniki göstəricilərə gəldikdə isə Galaxy J7, 5.5 inç Full HD AMOLED ekran, 8 nüvəli Cortex A53 prosessoru, 3 GB RAM, 16 GB daxili yaddaş (256 GB –a kimi microSD dəstəkli), 3600 mAh enerji tutumlu batareya, 13 MP-lik arxa və 13 MP-lik ön kamera ilə təchiz olunub. Smartfon, Android 7.0 əməliyyat sistemi vasitəsilə çalışır. Onun qiyməti 339 avro təşkil edəcək.

Seriyanın orta səviyyəli modeli olan Galaxy J5, barmaq izi skanı və J7 modelinin digər özəlliklərinə sahibdir. Daha dəqiq desək Galaxy J5, 5.2 inç HD Super AMOLED ekran, 8 nüvəli Cortex A53 prosessoru, 2 GB RAM, 16 GB daxili yaddaş (256 GB –a kimi microSD dəstəkli), 3000 mAh enerji tutumlu batareya, 13 MP-lik arxa və 13 MP-lik ön kamera ilə təchiz olunub. Smartfon, Android 7.0 əməliyyat sistemi vasitəsilə çalışır. Onun qiyməti 279 avro təşkil edəcək.

Seriyanın ən büdcəli modeli olan Galaxy J3 modeli isə barmaq izi skanından məhrum olub. Onun texniki göstəriciləri də büdcəli model smartfona yaxındır. Deməli Galaxy J3, 5 inç HD ekran, 4 nüvəli Java prosessoru, 2 GB RAM, 16 GB daixli yaddaş (256 GB –a kimi microSD dəstəkli), 3000 mAh enerji tutumlu batareya, 13 MP-lik arxa və 5 MP-lik ön kamera ilə təchiz olunub. Smartfon, Android 7.0 əməliyyat sistemi vasitəsilə çalışır. Onun qiyməti 219 avro təşkil edəcək.