UFS çipləri smartfonlarda istifadə edilən yaddaş çipləridir. Bu çiplərin yazma/oxuma sürəti nə qədər yüksək olarsa, smartfon o qədər sürətli işləyir və faylları ötürə bilir. Samsung, UFS çiplərin eUFS adı verilən özlərinə məxsus yeni versiyasını istehsal etməyə başladığını bildirdi. eUFS 3.1 yaddaş çipləri ilə birliktə smartfonlardakı 1 GB yazma/oxuma limiti də aradan qalxır.

        Yeni yaddaş çipləri saniyədə 1200 MB həcmində faylların oxunulması və yazılmasını dəstəkləyir. Müqayisə üçün deyək ki, bu sürət Desktop kompüterlərdə istifadə edilən Sata III SSD ( saniyədə 500 MB )-lərdən 2.4 dəfə daha çoxdur. Bu o deməkdir ki, bu yaddaş çiplərinin istifadə edildiyi smartfonlar çox yüksək sürətli işləri asanlıqla görə biləcək. Hal-hazırda bu texnologiya Xiaomi Mi 10 Pro və Galaxy S20 Ultra 5G modellərində istifadə olunan UFS 3.0 yaddaş çiplərinə görə 60% daha sürətlidir.    

        Samsung rəsmilərinin bildirdiklərinə görə ilk növbədə 512 GB həcmli çiplər sonra isə 256 GB və 128 GB çiplər istehsal olunacaq. Həmçinin rəsmilər qeyd edik ki, 2020-ci il ərzində Samsung tərəfindən istehsal olunacaq bütün flaqman modellərində eUFS 3.1 yaddaş çipləri istifadə olunacaq.