Samsung-un 5 yeni smartfonu haqqında məlumatlar ortaya çıxdı
Elm & Texnologiya
02.04.2018
Farid Pardashunas
Samsung şirkəti artıq Galaxy S9 və
S9 Plus modellərini təqdim edib. Lakin bu il şirkət həmçinin çoxlu sayda orta
büdcəli smartfon modellərini də təqdim edə bilər. Belə ki, internetdə şirkətin
5 smartfonu barəsində məlumatlar ortaya çıxıb. Söhbət Galaxy A6, Galaxy A6
Plus, Galaxy J7 (2018), Galaxy J8 (2018) və Galaxy J8 Plus (2018) modellərindən
gedir.
Galaxy A6 və Galaxy A6 Plus modelləri artıq sertifikatlaşdırılma
prosesindən keçiblər. Əldə olan məlumatlara əsasən adi Galaxy A6 Exynos 7870
prosessoru, 3 GB RAM ilə təchiz olunacaq və Samsung Experience 9.0 interfeysli
Android 8.0 Oreo əməliyyat sisteminə sahib olacaq. Galaxy A6 Plus isə
Snapdragon 625 prosessoru və 4 GB RAM-a sahib olacaq. Galaxy J7 (2018) modeli 16:9
nisbətli 5.5 inç ekran, 1.6 GHz tezlikli 8 nüvəli Exynos 7885 prosessoru və 3
GB RAM ilə təchiz olunacaq.
Sözügedən modellərdən əlavə olaraq yaxın zamanda
Galaxy J8 (2018) və Galaxy J8 Plus (2018) modellərinin də çıxacağı gözlənilir.
Şayiələrə əsasən Galaxy J8 (2018) Exynos 7870 prosessoru, 3 GB RAM və 3000 mAh
enerji tutumlu batareyaya sahib olacaq. Galaxy J8 Plus (2018)-ın isə Snapdragon
625 prosessoru, 3 GB RAM və 3500 mAh enerji tutumlu batareya ilə təchiz
olunacağı gözlənilir. Hər iki smartfin 18:9 nisbətli ekrana sahib olacaq.
Sadalanmış bütün smartfon modellərinin satışa çıxma tarixləri və qiymətləri barəsində heç
bir məlumat yoxdur.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ