Şanslı Note 5 istifadəçisi Android 6.0 yenilənməsini hamıdan qabaq aldı!

XDA developers forumunun məşhur istifadəçilərindən biri olan danon.brown'un başına çox nadir görünən bir hadisə gəlib. T-Mobile'dan aldığı Galaxy Note 5 yenilənməni yoxlayarkən bir müddət sonra görüb ki, Android 6.0 Marshmallow telefonuna yüklənib. Samsung və ya hər hansı bir operatorun Galaxy Note 5 üçün Android 6.0 yenilənməsini başlatmadığı dəqiqdi. Bunu forumda paylaşan istifadəçi digərlərinin də diqqətini cəlb etdi. Təbii ki, fürsətdən istifadə edən developerlər əməliyyat sisteminin kodlarını əldə etdilər. 

 

T-Mobile Galaxy Note 5 üçün yayımlayacağı sistem hələki test prosesindədir. Yəni rəsmi olaraq verilməsi mümkün deyil. Belə vəziyyətin sistemdəki boşluqdan qaynaqlandığı vurğulanır. 

Qısa zaman sonra Samsung ailəsinin flaqmanları yeniliyi alacaq. Galaxy Note 5 və Galaxy S6+ dekabr ayında, Galaxy S6 və Galaxy S6 Edge yanvar ayında, Galaxy Note 4 və Galaxy Note Edge isə fevral ayında yenilənməni alacaq. Aşağıda Note 5'in Android 6.0 versiyalı ekran şəkillərini görə bilərsiniz.