Satışa çox yaxın: Qatlana bilən Huawei Mate X modeli TENAA'nın məlumatlar bazasında aşkar edildi

Satışa çox yaxın: Qatlana bilən Huawei Mate X modeli TENAA'nın məlumatlar bazasında aşkar edildi

Texnologiya
20.07.2019 PAYLAŞIM

    Huawei şirkəti özünün ilk qatlana bilən smartfon modeli olan Mate X-i hələ fevral ayının sonunda təqdim etmişdi. Lakin smartfon hələ də satışa çıxmayıb. Samsung şirkətinin qatlana bilən Galaxy Fold smartfon modeli ilə baş vemriş problemlərdən sonra Huawei şirkəti Mate X-in əlavə testlərini keçirtmək qərarını verərək smartfonun satışını təxirə saldı. Görünür, həmin testlər uğurla başa çatıb və smartfon artıq satışa çıxmağa hazırdır.

    Belə ki, Mate X smartfonu Çinin TENAA sertifikatlaşdırma agentliyinin məlumatlar bazasnda ortaya çıxıb. Qeyd etmək lazımdır ki, Galaxy Fold-dan fərqli olaraq Mate X-in ekranı daxili istiqamətə deyil, xarici istiqamətə qatlana bilir. Tam açıq şəkildə smartfon 2480x2200 piksel keyfiyyətli 8 düym AMOLED ekrana sahib olur. Qatlanmış şəkildə cihaz iki ekrana sahib olur. Onlardan biri 19.5:9 nisbətli və 2480x1148 piksel keyfiyyətli 6.6 düym ekran, digəri isə 25:9 nisbətli və 2480x892 piksel keyfiyyətli 6.38 düym ekrandır.

    Əsas texniki göstəricilərə gəldikdə isə Mate X modeli Kirin 980 prosessoru, Balong 5000 adlı 5G modem, 6/8/12 GB RAM, 128/256/512 GB daxili yaddaş həcmi, 40 MP + 16 MP +8 MP üçlü kamera, 55 vatt gücündə enerji qəbul etməyə qadir SuperCharge adlı sürətli enerji yığma texnologiyasına sahib 4400 mAh enerji tutumlu batareya ilə təchiz olunub. Bununla yanaşı TENAA məlumatlarında qeyd olunub ki, Mate X modeli Android Pie əməliyyat sistemi vasitəilə çalışacaq. Smartfonun dəqiq qiyməti barəsində bir məlumat yoxdur. Lakin onun 2500$-a satılacağı güman edilir.



SİZƏ MARAQLI OLACAQ BİR NEÇƏ MƏLUMAT


Samsung Galaxy A51 və Galaxy A71 smartfonları təqdim olundular

Samsung şirkəti Galaxy A50-nin davamçıcı olan Galaxy A51-i və Galaxy A71 smartfon modellərini təqdim..


Google Chrome oğurlanmış istifadəçi şifrələri barəsində məlumat verə biləcək..

Google şirkəti Chrome brauzerinin yeni versiyasını təqdim edib və həmin versiya məlumat sızıntıları ..


Android yenilənmələri istifadəçinin iştirakı olmadan avtomatik şəkildə reallaşdı..

Android əməliyyat sisteminin mütəmadi yenilənmələri smartfonun təhlükəsizliyini yaxşılaşdırır və bir..


Xiaomi Mi Mix 4-ün ilk Geekbench test nəticələri ortaya çıxdı

Xiaomi şirkəti artıq təsdiqləyib ki, o, yeni Mi Mix smartfon modeli üzərində çalışır.


Xiaomi şirkəti daha bir qatlana bilən smartfon patentini əldə etdi

Xiaomi şirkəti özünün qatlana bilən smartfon prototipini hələ ilin əvvəlində sərgiləmişdi. ..


108 Mp-lik kamera əjdahası Mi Note 10 qlobalda rəsmi olaraq satışa çıxır

İstifadə etdiyi kameralar ilə gündəm olan Mi Note 10 modeli Xiaomi tərəfindən qlobal satış üçün hazı..