Smartfonlardan aşırı dərəcədə istifadə nəyə gətirib çıxardır?
Elm & Texnologiya
15.04.2018
Emil Nəcəfov
San Fransisko Universitetinin tədqiqatçıları öyrəniblər ki,
ildən-ilə daha da böyüyən elektron əşyalardan asılılıq halı insanları bədbəxt
edir. Alimlər belə bir nəticəyə gəliblər ki, smartfonlardan asılı olan
insanların beyinlərində mütəmadi olaraq nevroloji əlaqə yaranır və bu isə öz
növbəsində vərdişə gətirib çıxardır. Məsələn bu cür hal ağrıkəsici dərmanlardan
çoxlu istifadə edən insanlarda rast gəlinir. Tədqiqatçılar həmçinin aşkar ediblər
ki, elektron cihazlardan aşırı dərəcədə istifadə insanların sosioloji əlaqələrinə
təsir edir.
135 tələbə arasında aparılmış sorğu nəticəsində məlum olub ki,
smartfondan daha çox istifadə edən şəxslər özlərini daha yalnız hiss edirlər.
Alimlər güman edirlər ki, sosial şəbəkələrdə uzun zaman keçirən insanlara həmsöhbət
olduqları insanlardan adi ünsiyyət növü (həmsöhbət şəxsin jestləri, mimikaları
və intonasiyası) çatışmır. Tədqiqatın müəllifləri insanlara smartfonlardan və
kompüterlərdən daha az istifadə etməyi məsləhət görürlər. Onlar hətta bunun
üçün maraqlı bir üsul da təklif ediblər: Gələn dəfə dostlarınız ilə hansısa
kafedə görüşəndə hamı öz mobil cihazını stolun mərkəzinə qoysun. Kim birinci
mobil telefondan istifadə etmək üçün əlini telefona uzatsa həmin şəxs öz dostlarının hesablarını özü ödəyəcək.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!