Snapdragon 4 Gen 2 prosessoru baresində məlumatlar verilib

    İnsayderlərin verdikləri məlumata əsasən Qualcomm şirkəti Snapdragon 4 Gen 2 adlı yeni prosessor üzərində çalışır. Sözügedən yeni prosessor SM4450 model nömrəsinə və Clarence/Ravelin kod adına sahibdir. Məlumatda qeyd edilib ki, yeni prosessor Snapdragon 4 Gen 1-dəki nüvə klasterini əldə edəcək. Lakin bununla belə Snapdragon 4 Gen 2-də nüvələr daha yüksək tezliklə çalışacaqlar.

    Beləliklə Snapdragon 4 Gen 2 prosessoru özündə 2.2 GHz tezlikdə çalışan 2 ədəd Cortex-A78 nüvəsini və 1.95 GHz tezlikdə çalışan 6 ədəd Cortex-A55 nüvəsini birləşdirəcək. Prosessorda qrafik özəlliklərdən isə Adreno 613 çipi cavabdeh olacaq. Bundan əlavə olaraq Snapdragon 4 Gen 2 prosessoru LPDDR5 standartlı RAM yaddaşlarını və UFS 3.1 standartlı daxili yaddaş həcmlərini dəstəkləyəcək. Prosessorun nə zaman təqdim olunacağı bilinmir.