Mart ayında təqdim edilmiş Snapdragon 7+ Gen 2 prosessoru faktiki olaraq Snapdragon 8+ Gen 1 ilə eyni səviyyədə olan prosessordur. Lakin Snapdragon 8+ Gen 1-dən fərqli olaraq Snapdragon 7+ Gen 2 daha aşağı tezlikdə çalışır. Bu isə o deməkdir ki, prosessor daha aşağı enerji sərfiyyatına sahibdir və daha az qızır. Digital Chat Station ləqəbli məşhur insayderin verdiyi məlumata əsasən Qualcomm şirkətinin bu prosessoru tez zamanda digəri ilə əvəzləməsi üçün iki əsas səbəbi var.

    Birinci səbəb ondan ibarətdir ki, Snapdragon 7+ Gen 2-nin maya dəyəri yüksəkdir. İkinci səbəb isə odur ki, subflaqman prosessorun daha flaqman olan Snapdragon 8 seriyasının prosessoru ilə eyni səviyyədə olması faktoru Qualcomm-un heç də ürəyincə deyil. Bununla yanaşı insayder bildirib ki, Snapdragon 7+ Gen 2-ni əvəzləyəcək Snapdragon 7 Gen 3 prosessoru daha zəif göstəricilərə sahib olacaq. Bu üsul ilə şirkət Snapdragon 7 seriyasına orta performans səviyyəsini geri qaytarmaq niyyətindədir.