Qualcomm şirkəti bu il yeni flaqman mobil prosessorunu təqdim edəcək. Söhbət, Snapdragon 8 Gen 3-dən gedir. İndi isə sözügedən prosessorun Geekbench 6 və AnTuTu bençmarklarındakı testlərinin nəticəcələri ortaya çıxıb. Beləliklə Geekbench 6-nın bir nüvəli testi çərçivəsində prosessor 2563 xal, çox nüvəli testi çərçivəsində isə 7256 xal toplayıb. AnTuTu bençmarkına gəldikdə Snapdragon 8 Gen 3 ümumilikdə 1.71 milyon xal toplayıb. Onun qrafik çipinin toplamış olduğu xal isə 850 000 təşkil edib. Müqayisə üçün qeyd etmək lazımdır ki, Apple A16 Bionic prosessoru Geekbench 6-nın bir nüvəli testi çərçivəsində 2499 xal, çox nüvəli testi çərçivəsində isə 6275 xal toplayır.