Son məlumatlara əsasən smartfon istehsalçıları artıq Qualcomm-un Snapdragon 8 Gen 3 prosessorunu əldə ediblər. Buna görə də insayderlər gələn il təqdim olunacaq Snapdragon 8 Gen 4 barəsində məlumatları indidən verməyə başlayıblar. Gələn il təqdim olunacaq Snapdragon 8 Gen 4 prosessoru barəsində yaranan suallardan biri də sözügedən prosessorun hansı şirkət tərəfindən istehsal olunacağıdır. Samsung yoxsa TSMC?

    Qeyd etmək lazımdır ki, TSMC prosessor istehsalı mövzusunda artıq öz sözünü demiş bir şirkətdir. Samsung-un istehsal etidiyi prosessorlar isə qızmaya və böyük həcmdə sistem resursları sərf etməyə meyllidirlər. Verilmiş məlumata əsasən Snapdragon 8 Gen 3-ün adi versiyasını TSMC şirkəti istehsal edəcək və bunun üçün özünün 3 nanometrlik texnoloji prosesindən istifadə edəcək. Samsung-un flaqman smartfonları üçün nəzərdə tutulacaq Snapdragon 8 Gen 3 for Galaxy prosessoru isə Samsung tərəfindən istehsal ediləcək. Bu məsələdə şirkət özünün 3GAP adlı 3 nanometrlik texnoloji prosesindən istifadə edə bilər.