'Sony' yeni büdcəli Xperia modellərini təqdim etdi
Elm & Texnologiya
08.01.2018
Farid Pardashunas
Las Veqasda keçirilən CES 2018 tədbirində “Sony” şirkəti öz 3 yeni smartfon modelini təqdim edib.
Görünür, şirkət öz əsas flaqman
modellərini MWC 2018 tədbiri üçün saxlayır. Belə ki, CES 2018-də təqdim olunmuş
modellər büdcəli modellərdir. Beləliklə “Sony” Xperia XA2, Xperia XA2 Ultra və
Xperia L2 modellərini təqdim edib. İlk 2 model nazik ekran çərçivələri və təkmilləşdirilmiş
foto çəkim özəllikləri ilə, Xperia L2 isə geniş bucaqlı ön kamera və yüksək
tutumlu batareya həcmi ilə fərqlənir. Xperia XA2 və XA2 Ultra modelləri xarici
və texniki göstəricilər baxımından oxşardırlar.
XA2 5.2 inç Full HD, XA2 Ultra
isə 6 inç Full HD ekranla təchiz olunub. Hər iki smartfon 2.2 GHz tezlikli 8
nüvəli Snapdragon 630 prosessoru və Adreno 508 qrafik sürətləndiricisinə
sahibdir. XA2 3 GB-lıq RAM-ı, XA2 Ultra isə 4 GB-lıq RAM-ı özündə birləşdirir.
Hər iki smartfon 32 GB-lıq daxili yaddaşa sahib olsa da, XA2 Ultra modeli 64
GB-lıq daxili yaddaş versiyasına da sahibdir. Həmçinin hər iki modeldə microSD dəstəklənməsi
də var. Batareyaların həcmlərinə gəldikdə isə XA2 3300 mAh enerji tutumlu
batareya, XA2 Ultra isə 3580 mAh enerji tutumlu batareya ilə təchiz olunub. Hər
iki modelin batareyaları Quick Charge 3.0 sürətli enerji yığma özəlliyini dəstəkləyir.
Barmaq izi skanı smartfonların arxa panelində yerləşdirilmişdir.
Arxa paneldə hər
iki smartfon f/2.0 diafraqmalı, hibrid avtofokuslu, 4K və 120 FPS slo-mo video
çəkiliş özəllikli 20 MP-lik arxa kameraya sahibdir. Ön kameralara gəldikdə XA2 120
dərəcəli görünüş bucaqlı 8 MP-lik ön kamera, XA2 Ultra isə ikili ön kamera ilə
təchiz olunub. Onlardan biri 120 dərəcəli görünüş bucaqlı 8 MP-lik kamera, digəri
isə optik stabilizasiya özəlliyinə sahib 16 MP-lik kameradır.
Xperia L2 modeli
plastik korpusdan hazırlanıb, onun barmaq izi skanı isə arxa hissədə yerləşib.
Smartfon 5.5 inç HD ekran və ekranın perimetri üzrə qalın çərçivələrə sahibdir.
Texniki göstəricilərə gəldikdə isə smartfon 1.5 GHz tezlikli 4 nüvəli MediaTek
MT6737T prosessoru, 3 GB RAM, 32 GB daxili yaddaş (microSD dəstəkli), 13 MP-lik
arxa, 8 MP-lik ön kamera və 3300 mAh enerju tutumlu batareya ilə təchiz olunub.
Hər 3 smartfon gələn ay satışa çıxacaq. Onların qiymətləri barəsində isə heç
bir məlumat verilməyib.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ