SpaceX'in Falcon Heavy raketinin ilk kommersiya məqsədli uçuşu uğurla keçdi (VİDEO)

SpaceX'in Falcon Heavy raketinin ilk kommersiya məqsədli uçuşu uğurla keçdi (VİDEO)

Texnologiya
12.04.2019 PAYLAŞIM

    SpaceX şirkətinin Falcon Heavy adlı ağır raketinin ilk kommersiya məqsədli uçuşu uğurla nəticələndi. Şirkət həmin raket vasitəsilə Səudiyyə Ərəbistanın Arabsat 6A adlı əlaqə peykini uğurla yer kürəsinin orbitinə çatdırıb. Bu barədə Hightech.plus saytı xəbər verib. Bu missiyanın ikinci hissəsi də uğurla nəticələnib. Belə ki, Elon Musk-ın şirkəti ilk dəfə olaraq raketin birinci pilləsinin hər 3 sürətləndirici blokunu uğurla Yer kürəsinin səthinə endirib. Qeyd etmək lazımdır ki, keçən ilin fevral ayında Falcon Heavy raketinin ilk test uçuşu nəticəsində raketin mərkəzi sürətləndirici blokunu uğurlu şəkildə endirmək mümkün oimamışdı.

    İkinci uçuşu Falcon Heavy raketi Kanaveraldakı kosmodromdan reallaşdırıb. Raketin Yer kürəsinin orbitinə çıxışından 7 dəqiqə sonra raketin iki kənar sürətləndirici bloku uğurlu şəkildə xüsusi platformaya eniş edib. Daha 3 dəqiqə sonra isə raketin ilk pilləsinin mərkəzi sürətləndirici bloku "Of Course I Still Love You" adlı su platformasına eniş edib. Qeyd edək ki, keçən ilki test uçuşunun sonunda mərkəzi sürətləndirici blok su platformasının yaxınlığında suya düşmüşdü. Bunu nəzərə almasaq, keçən ilki test uçuşu ümumilikdə uğurlu alınmışdı. Bu dəfəki tapşırıq bir qədər fərqli olub. Belə ki, şirkət telekommunikasiya peykini Yer kürəsinin aşağı orbitinə çatdırmalı idi.


    Falcon Heavy-nin uğuru SpaceX şirkəti üçün həm taktiki həm də strateji cəhətdən vacibdir. SpaceX raketlərinin müştərilər üçün həlledici üstünlükləri məhz onlardan istifadə qiymətləridir. Hazırlanması çox baha başa gələn ilk pillənin uğurlu şəkildə endirilməsi şirkətin əsas biznes modelidir. Space.com saytının qiymətləndirməsinə əsasən Falcon Heavy raketinin SpaceX şirkətinin müştəriləri üçün istifadə qiyməti 90-150 milyon dollardır. Onun yaxın rəqibi isə United Launch Alliance şirkətinin Delta IV Heavy adlı raketidir. Ondan istifadə qiyməti 350 milyon dollar təşkil edir. Bu uğur Elon Musk-ın şirkətinin biznes planının çalışdığını əyani olaraq sübut etdi. Buna görə də şirkət istənilən müştərinin sifarişini reallaşdırmağa hazırdır. Məsələn ABŞ-ın Hərbi hava qüvvələrini.



SİZƏ MARAQLI OLACAQ BİR NEÇƏ MƏLUMAT


Facebook şirkəti nəticədə TikTok'a çevrilmiş Musical.ly servisini hələ 2016-cı i..

Facebook şirkəti 2016-cı ildə bir neçə ay ərzində qısa musiqili videolar servisi olan Musical.ly-ni ..


SpaceX şirkəti Crew Dragon kosmik gəmisinin sərnişin kapsulunun yeni testini keç..

SpaceX-in Crew Dragon kosmik gəmisinin sərnişin kapsulunun uğursuz testindən 7 ay sonra şirkət yenid..


Google şirkəti öz istifadəçiləri üçün bankçılıq fəaliyyətinə başlayacaq..

 Google şirkəti öz servislərinin istifadəçiləri üçün maliyyə alətlərinin genişləndirilməsi planların..


Yenilənmədən sonra Whatsapp smartfonların enerjilərini sürətli şəkildə aşağı sal..

Bir neçə müddət bundan öncə Whatsapp tərtibatçıları messenceri yeniləmişdilər.


Huawei Mate X'in satışları yenidən təxirə salınıb

Artıq sabah Huawei şirkəti öz ilk qatlana bilən smartfon modeli olan Mate X-in satıışlarına start ve..


Qatlana bilən Motorola RAZR smartfonu təqdim olundu - QİYMƏTİ

Son 1 il ərzində olmuş məlumat sızıntılarından sonra Motorola brendi sonunda qatlana bilən yeni nəsi..