SpaceX-in yeni rekordu: Eyni Falcon 9 raketi 7-ci kosmik uçuş missiyasını uğurla yekunlaşdırıb

SpaceX-in yeni rekordu: Eyni Falcon 9 raketi 7-ci kosmik uçuş missiyasını uğurla yekunlaşdırıb

Texnologiya
25.11.2020 PAYLAŞIM

    SpaceX şirkəti çoxistifadəli kosmik aparatlar sahəsində növbəti rekorda imza atıb. Belə ki, şirkət eyni Falcon 9 raketinin birinci pilləsini 7-ci dəfə kosmosa göndərəndən sonra uğurla Yer kürəsinin səthinə qaytarıb. Bu barədə Hightech.plus saytı xəbər verib. Dünən Falcon 9 raketi uğurla start götürərək 60 ədəd Starlink peykini startdan 15 dəqiqə sonra Yer kürəsinin orbitinə yerləşdirib. 8 dəqiqədən sonra isə raketin birinci pilləsi Atlantik okeanındakı platformanın üzərinə uğurla eniş edib.

    Beləliklə ümumilikdə Falcon 9-un birinci pilləsi 7-ci kosmik missiyanı yerinə yetirib. Qeyd etmək lazımdır ki, Falcon 9-un bu pilləsi ilk dəfə 2018-ci ilin sentyabr ayında kosmosa göndərilmişdi. 2019-cu ilin yanvar ayında isə onun iştirakı ilə daha bir uçuş missiyası reallaşdırılmışdı. Növbəti mərhələlərdə Falcon 9-un birinci pilləsi Starlink layihəsi çərçivəsində 4 dəfə kosmik uçuş missiyasında iştirak edib. Sonuncu dəfə o bu ilin avqust ayında Yer kürəsinin orbitinə uçmuşdu.


    Bundan əlavə olaraq dünən baş tutmuş uçuş missiyası bütün Falcon 9 raketlər seriyasında yubiley 100-cü uçuş missiyası oldu. Ümumilikdə SpaceX şirkəti Yer kürəsinin orbitində 955 ədəd Starlink peyki yerləşdirib. Onlardan 60-ı müxtəlif səbəblərdən sıradan çıxıb. Ümumilikdə isə şirkət Yer kürəsinin orbitində 12.000 ədəd Starlink peykini yerləşdirməyi planlaşdırır. Qeyd etmək lazımdır ki, şirkət ABŞ-da öz internetinin beta testinə artıq start verib. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Amazon özünün qlobal internet layihəsinin peyklərini Yer kürəsinin orbitinə yerl..

Amazon şirkətinin peyklərinin Yer kürəsinin orbitinə çatdırılması üçün United Launch Alliance şirkət..


Apple iPad Pro 2021, iMac 2021 və AirTag trekeri təqdim olunub - QİYMƏTİ

Apple şirkəti dünən yeni məhsullarının təqdimatını keçirtdi. Təqdimat çərçivəsində ən nəzərə çarpan ..


MediaTek dünyanın ilk 4 nanometrlik mobil prosessorunu hamıdan əvvəl təqdim edə ..

Tayvanın MediaTek şirkəti keçən il nəzərə çarpacaq nəticələr əldə etmişdi və hətta istehsal olunmuş ..


2030-cu ildən Vaşinqton ştatında benzinlə çalışan minik avtomobilləri qadağan ed..

Vaşinqtonun qanunverici orqanı yeni “Clean Cars 2030” adlı qanunu qəbul edib.


NASA Mars səthində olan Ingenuity dron aparatının ilk uçuşunu uğurla reallaşdırd..

NASA agentliyi Ingenuity dronunun Mars atmosferində ilk uçuşunu uğurla reallaşdırdığını elan edib. ..


NASA astronavtlarının Aya göndərilməsi ilə SpaceX məşğul olacaq

NASA agentliyi SpaceX şirkəti ilə vacib müqavilə bağlayıb.

×