SpaceX şirkəti Starship-in 6-cı test uçuşunu keçirib (VİDEO)
Elm & Texnologiya
20.11.2024
Emil
SpaceX şirkəti Starship-in 6-cı test uçuşunu reallaşdırıb. Daha öncə gözlənilirdi ki, Starship-i kosmosa göndərmiş Super Heavy raketinin birinci pilləsi 5-ci kosmik uçuş testində olduğu kimi xüsusi konstruksiya vasitəsilə havada tutulacaq. Lakin nəticədə sürətləndirici raketin birinci pilləsi Meksika körfəzinin sularına eniş edib. Daha sonra SpaceX nümayəndəsi bildirib ki, uçuş zamanı hansısa nasazlıq baş verib və baş vermiş nasazlıq raketin birinci pilləsinin start meydançasına təhlükəsiz enişi üçün problemlər yarada bilərdi. Buna görə də SpaceX mühəndisləri riskə getmək istəməyiblər.
Starship-in özünə gəldikdə isə o, kosmos istiqamətində uçuşunu uğurla davam etdirib. Orbital hündürlüyə qalxandan bir neçə müddət sonra Starship öz mühərriklərindən birini işə salıb. Bu, Starship mühərrikinin vakuumda işə salınması üzrə ilk təcrübə idi. Uçuşa start veriləndən 47 dəqiqə sonra isə Starship yenidən atmosferə daxil olub. Startdan təqribi olaraq 1 saat 5 dəqiqə sonra Starship Hindistan okeanına eniş edib. Starship-in 7-ci test uçuşunu bir qədər gözləmək lazım gələcək. Belə ki, şirkət 7-ci test uçuşunda istifadə ediləcək Starship-i bir qədər təkmilləşdirəcək. Bunun 2025-ci ilin əvvəlində baş tutacağı gözlənilir.
Paylaş
Bənzər xəbərlər
Elm & Texnologiya
Elon Musk, Starship vasitəsilə şəhərlərarası səyahət xidmətini işə sala bilər
Elon Musk bildirib ki, SpaceX şirkətinin Starship kosmik gəmisi vasitəsilə şəhərlərarası səyahət ideyası real ola bilər.
Elm & Texnologiya
SpaceX ilk dəfə bir raketi havada yaxalayaraq adını tarixə yazdırıb! (VİDEO)
Kosmik texnologiyalar sektorunda Elon Musk fırtınası əsməyə davam edir. Mechazilla adlanan 2 mexaniki qol, Yerə geri dönən 1200 tonluq gücləndirici raketi havada tutmağı bacarıb.
Elm & Texnologiya
SpaceX Starship-in 5-ci test uçuşunu anons edib
Şirkət bildirib ki, növbəti test uçuşunda istifadə ediləcək Starship protoipinin bütün sistemləri hazır vəziyyətdədir.
Elm & Texnologiya
Yaponiya ilk dəfə Ayda sənət əsəri nümayiş etdirəcək!
Yaponiyanın kosmik kəşfiyyata marağı, Ispace şirkətinin yeni Ay missiyası ilə yenidən gündəmə gəlib. Şirkət, 2023-cü ildəki uğursuz cəhdindən sonra, bu dəfə Ayda uğurlu eniş etməyi hədəfləyir.
Elm & Texnologiya
SpaceX 2 ildən sonra Starship kosmik gəmisinin Marsa ilk pilotsuz uçuşunu planlaşdırır
Elon Musk-ın vermiş olduğu məlumata əsasən onun SpaceX şirkəti Starship kosmik gəmisinin Marsa ilk pilotsuz uçuş missiyasını 2026-cı ilin sonunda reallaşdırmağı planlaşdırır.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
