"Spamların kralı"-nı həbs cəzası gözləyir
Elm & Texnologiya
07.05.2017
Farid
Facebook-da 27 milyondan çox istifadəçiyə ismarıc göndərmiş
hackeri 2.5 illik həbs ilə cəzalandırıblar. Özünü "spamların kralı” adlandırmış
Sanford Wallace həmçinin 310.000 dollar cərimə ödəməlidir. Məhkəmə qeyd edib
ki, 2008-ci ilin noyabr ayından 2009-cu ilin mart ayına kimi Wallace Facebook
istifadəçilərinə müxtəlif saytların linklərini göndərirdi. Həmin saytlar isə öz
növbəsində istifadəçilərin məlumatlarını və dostlarının siyahılarını əldə
edirdilər. Kifayət qədər istifadəçi bazası yığandan sonra hacker həmin istifadəçilərə
spam göndərərək digər saytlara yönləndirirdi. Beləliklə o trafikin avtomatik
yönləndirməsinə görə pul qazanırdı. "Spamların kralı”-na 2.5 il həbs cəzası
verilməsinə baxmayaraq prokurorluq cəza müddətinin 36 ay olmasını tələb edib. "36
aylıq həbs cəzası cinayətkara onun əməllərinin bütün ciddiliyini anlamaq üçün
kömək edərək gələcəkdə onu bu cür əməllərdən uzaq tutacaq” – deyə prokurorluq
bildirib. Öz hackerlik karyerasını Wallace hələ 1991-ci ildə reklam fakslarının
göndərilməsi ilə başlayıb. 2007-ci ildə MySpace, 2009-cu ildə isə Facebook
hackeri məhkəməyə veriblər. Şirkətlər ondan milyard dollar dəyərində vəsait tələb
etmişdilər. Lakin Wallace həmin məbləği ödəyə bilməmişdir.
Paylaş
Bənzər xəbərlər
