Steve Wozniak: 'Mən bütün bitcoinlərimi satmışam'
Elm & Texnologiya
26.01.2018
Farid Pardashunas
“Apple” şirkətinin həmtəsisçisi Steve Wozniak qiyməti 700$ olan zaman bitcoinlər almış və keçən ilin Dekabr ayında onları dənəsi 20.000$-dan satmışdır.
Onun sözlərinə görə kriptovalyuta
bazarındakı qiymət dəyişikliklərini daima izləmək onu bezdirmişdir və nəticədə
o bu bazardan çıxmaq qərarına gəlmişdir. Bu barədə Wozniak Stokholmda
keçirilmiş Nordic Business Forum tədbirindəki çıxışında bildirib. Steve Wozniak-ın
kriptovalyuta ehtiyyatları haqqında ilk məlumat keçən ilin yay fəslində
yayılmışdı. O qeyd edib ki, bitcoinin qiyməti 700$ olan zaman onları almışdı.
Lakin keçən ilin Dekabr ayında bitcoinin qiyməti 20.000$-a çatanda
kriptovalyuta ətrafındakı səs-küy Wozniak-a əsassız gəlmişdi.
Onun hansı ümumi
məbləğ dəyərində bitcoinə sahib olduğu barədə isə məlumat verilməyib. “Məzənnə
ani olaraq qalxandan sonra mən anladım ki, daimi olaraq qiymət dəyişikliyini
izləyən insan olmaq istəirəm. Bu cür həyəcanlar mənə lazım deyil” – deyə Wozniak
bildirib. Həmçinin o bildirib ki, bütün kriptovalyutalarını satıb. Qeyd etmək
lazımdır ki, daha əvvəllər Wozniak dünyanın ən məşhur kriptovalyutası barədə
müsbət fikirlər söyləyirdi.
O qeyd edirdi ki, əmanət kimi bitcoin ABŞ dolları və
qızıl qarşısında daha ciddi potensiala sahibdir. Lakin ödəniş üsulu kimi
bitcoin Wozniak-ın gözləntilərini qarşılamadı. O ümid edirdi ki, Stokholm-a gələrək
hansısa restoranda və ya oteldə ödənişi kriptovalyuta vasitəsilə etmək mümkün
olacaq. Lakin hələki bu cür imkan yoxdur. “Apple” şirkətinin həmtəsisçisi
müasir texnologiyalar və yeni məhsullar barəsində fikirlərini dəfələrlə dəyişib.
Belə ki, əvvəllər o düşünürdü ki, robotlar insanların işlərini əllərindən
alacaqlar. Lakin sonradan o anladı ki, süni zəka inkişaf barəsində insandan
geridə qalır.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)