Bloomberg saytının verdiyi xəbərə əsasən bu templə şirkət gələn ilin 6 Avqust tarixinə kimi vəsaitsiz qalacaq. Son 1 il ərzində “Tesla” 1 dəqiqə ərzində 8000$, 1 saat ərzindıə isə 480.000$ vəsait itirib. Şirkət düşünür ki, bu vəziyyət Model 3-ün satışa çıxmasından sonra dəyişəcək. Görünür, investorları bu cür vəziyyət narahat etmir. Çərşənbə axşamı şirkətin səhmləri 3% qalxaraq 317.81$ təşkil edib. Beləliklə o öz dəyərini 53 milyard dollara çatdırıb (“Ford” şirkətinin kapitalizasiyası 48 milyard dollar təşkil edir).

Bununla belə əlavə vəsaitlərə olan tələbat müştrilərdən Model 3-ə görə öncədən pul ödənişini tələb etməyə Musk-ı vadar edir. Tesla Roadster The Founders Series modelinin qiyməti 250.000$ təşkil edəcək və 1000 ədəd bu cür avtomobilin satışı şirkətə 250 milyon dollar gəlir gətirə bilər. Lakin bu cür vəsait şirkətin maliyyə tələblərinin heç yanında da durmur. Belə ki, Model 3-ün istehsalına yatırılmış külli miqdarda vəsaitlərin sayəsinə şirkət hər ilin rübündə milyard dollar vəsait sərf edir.

Onun hesablamalarına əsasən 2018-ci ilin ortasında “Tesla” şirkəti 2 milyard dollar vəsait cəlb etməli olacaq. “Tesla” şirkəti bildirib ki, gələn ilin Mart ayının sonuna kimi 5000 ədəd Model 3 avtomobilinin istehsalı üçün yetəri qədər resursa sahibdir. Bu müddətdən sonra isə şirkət böyük gəlir vəsaitlərini məhsul satışı və xidmətlərindən əldə etməyi planlaşdırır. Bu barədə o, 1 Noyabr tarixində investorlara göndərilmiş məktubda qeyd edib.

“Tesla”da o qədər də çox variant yoxdur. Şirkət artıq yetəri dərəcədə kredit borcuna girib, qiymətli kağızlar bazarı isə hal hazırda yaxşı gəlir mənbəyi deyil. Baxmayaraq ki, şirkətin səhmləri bu bir neçə gün ərzində artıb, 3 ay bundan öncə şirkətin 1.8 milyard dollar borcunu öz üzərlərinə götürmüş investorların hamısı vəsait itkisi yaşayırlar. Bu öz növbəsində ən optimal variant kimi səhmlərin satılmasına gətirib çıxara bilər. Lakin bu cür nəticə səhmdarların paylarının azalmasına gətirib çıxara bilər. Həmin səhmdarlardan ən əsası isə Elon Musk özüdür.