main-post-cover

    Tesla büdcəli yeni elektromobil istehsal etməyi planlaşdırır

    Elm & Texnologiya
    09.03.2023
    Emil Nəcəfov
        Elon Musk-ın sözlərinə əsasən Tesla şirkəti yeni nəsil elektromobil istehsalını planlaşdırır. İstehsal ediləcək yeni nəsil elektromobil Full-Self Driving (FSD) adlı avtopilot sistemini əldə etməklə yanaşı həmçinin aşağı satış qiyməti ilə diqqəti cəlb edəcək. Gözləntilərə əsasən Tesla-nın yeni növ elektromobilinin qiyməti Model 3-ün qiymətindən aşağı olacaq. Musk sözügedən elektromobilin texniki özəllikləri barəsində heç bir məlumat verməyib.
        Qeyd etmək lazımdır ki, bu, Musk-ın büdcəli Tesla elektromobilini satışa çıxartmaq niyyəti barəsində verdiyi ilk bəyanat deyil. Hələ 2020-ci ildə bu barədə bəyanat verən zaman Musk qeyd etmişdi ki, Tesla-nın büdcəli elektromobili 25 000$-a yaxın satış qiymətinə sahib olacaq. Müqayisə üçün qeyd etmək lazımdır ki, Model 3-ün ortalama qiyməti 42 990$ təşkil edir. Məlumat sızıntılarına əsasən adı Model 2 olacağı güman edilən elektromobil 25% daha kiçik batareya həcminə sahib olacaq. Bununla yanaşı onun Model 3 ilə müqayisədə 30% daha yüngül olacağı gözlənilir.
    Linki kopyala