Tesla Cybertruck barəsində yeni məlumatlar verilib

    Tesla şirkətinin səhmdarlarından biri hələ satışa çıxmamış Tesla Cybertruck elektrikli pikapı barəsində eksklüziv məlumatlar təqdim edib. Tesla səhmdarının sözlərinə əsaəsn o, elektrikli pikapın gövdəsinin dəqiq uzunluğunu öyrənib. Təqdim edilmiş məlumatlarda səhmdar Cybertruck-ın ölçülərini Ford F150 Raptor avtomobilinin ölçüləri ilə müqayisə edib. Beləliklə Tesla Cybertruck-ın uzunluğu Ford F150 Raptor ilə müqayisədə 38 mm daha qısa olacaq. Bununla yanaşı elektrikli pikapın eni 63.5 mm-dən daha aşağı olacaq.

    Elektrikli pikapın yük hissəsinə gəldikdə isə onun uzunluğu qısa kapot hesabına 152 mm daha uzundur. Beləliklə nəticə etibarilə Tesla Cybertruck-ın ölçüləri 6150 x 1965 x 1925 mm təşkil edir. Bundan əlavə olaraq məlumatda qeyd edilib ki, Tesla Cybertruck-ın bütün versiyaları bütün təkərlərin idarə edilməsi özəlliyini, pnevmatik asmanı və 5 oturacağı əldə edəcəklər. Elektrikli pikapın satış versiyalarının qapıları Self Present adlı avtomatik açılma funksiyasını dəstəkləməyəcəklər. Salonda olacaq sensorlu ekranın ölçüsü isə 18.5 düym təşkil edəcək. Tesla Cybertruck-ın bir mühərrikli versiyası olmayacaq. Onun yalnız 2 və 3 mühərrikli versiyaları satışa çıxacaq. Tesla Cybertruck-ın isə dəqiq olaraq nə zaman satışa çıxacağı hələ bilinmir.