main-post-cover

    Tesla iki yeni elektromobil üzərində çalışır

    Elm & Texnologiya
    17.05.2023
    Farid Pardashunas
        Tesla investorları qarşısında ənənəvi illik çıxışı zamanı Elon Musk bildirib ki, şirkət iki yeni elektromobil üzərində çalışır. Onun sözlərinə əsasən iki yeni elektromobildən biri artıq hazırlanma mərhələsinə keçid edib. Musk hazırlanma mərhələsində olan elektromobilin tizer fotosunu təqdim edib. Təqdim edilmiş tizer fotosu sayəsində yeni elektromobilin dizaynı barəsində müəyyən təsvirlərə sahib olmaq olar. Fotodan da görmək olar ki, yeni elektromobil böyük ehtimal ilə ucuz qiymətə satılacaq hetçbek olacaq.
        Qeyd etmək lazımdır ki, Musk hələ 2020-ci ildə bildirmişdi ki, Tesla 25 000$-a satılacaq elektromobil istehsal etmək niyyətindədir. Çox güman ki, tizer fotodakı elektromobil məhz Musk-ın dediyi elektromobildir. Onun texniki özəllikləri barəsində heç bir məlumat yoxdur. Üzərində işlərin getdiyi ikinci elektromobil barəsində ümumiyyətlə heç bir məlumat yoxdur. Lakin bu ilin mart ayında Tesla bir neçə yeni elektromobilin tizer fotolarını təqdim etmişdi.
        Həmin fotolardan birində miniven formasında olan elektromobil əks olunmuşdu. Ola bilər ki, şirkətin ikinci yeni elektromobili məhz miniven olsun. Musk-ın sözlərinə əsasən Tesla-nın iki yeni elektromobili şirkətin artıq mövcud olan elektromobillərini dizayn və istehsalat texnologiyaları baxımından geridə qoyacaqlar. Üstəlik Musk bildirib ki, Tesla öz avtopilot sisteminin inkişaf etdirilməsinə daha çox diqqət ayıracaq. Tesla-nın iki yeni elektromobilini nə zaman təqdim edəcəyi və nə zaman satışa çıxardacağı barəsində məlumat yoxdur.
    Linki kopyala

    Bənzər xəbərlər

    Oxşar xəbərlər