Tesla Semi elektrikli yük maşınının qiyməti məlum oldu

Bu məlumat şirkətin saytında təqdim olunub. Beləliklə 480 km yol qətt edə biləcək standart model 150.000$-a satılacaq. 800 km yol qətt edə biləcək modelin isə ilkin qiyməti kimi 180.000$ göstərilib. Bundan əlavə olaraq şirkət 1000 ədəd Founders Series adlı modeli də satmağı düşünür. Onun qiyməti 200.000$ təşkil edəcək. Tesla Semi-nin rəsmi satışları 2019-cu ildə başlamalıdır. Qeyd etmək lazımdır ki, şirkət öz ilk elektrikli yük maşınını 16 Noyabr tarixində təqdim etmişdi. Şirkət bildirmişdi ki, Tesla Semi 5 saniyə ərzində saatda 100 km sürət yığa və yarım saat ərzində 80% şarj oluna bilir.