'Uber' dəfələrlə polis yoxlanışı səbəbilə digər ofislərindəki kompüterləri uzaqdan blocklayırmış

Bu barədə Bloomberg saytı hadisə ilə yaxından tanış olan 3 anonim insana istinadən bildirib. “Uber”in özündə həmin tətbiqi Ripley adlandırıblar. Anonim şəxslərin verdikləri məlumata əsasən polis axtarışları zamanı kimsə şirkətin San Fransiskodakı baş ofisinə zəng edirdi. Daha sonra baş ofisdəki şəxslər operativ olaraq sözügedən tətbiqi işə salaraq axtarışın getdiyi ofisdəki kompüter və smartfonlara girişi blocklayırdılar. Bu səbəbdən polislər heç bir məlumat əldə etmədən əliboş geri qayıdırdılar.

Bu cür təcili düymələr bir çox şirkətlərdə var. Lakin həmin şirkətlər ondan “Uber” kimi mütəmadi istifadə etmirlər. Məlumata əsasən Ripley tətbiqindən 2015-ci ilin yaz fəslindən 2016-cı ilin sonunadək mütəmadi istifadə edilib. Bu tətbiqdən istifadə hallarından biri də 2015-ci ilin May ayında olmuşdu. Şirkətin Kvebek şəhərindəki (Kaliforniya) ofisinə 10 nəfər polis əməkdaşı gəlmişdi. Lakin onlar da heç bir məlumat almadan əliboş qayıtmışdılar. Anonim şəxslər həmçinin qeyd ediblər ki, tətbiqin son versiyası seçilmiş məlumatların polis əməkdaşları kimi insanlara verilməsi funksiyasını özündə birləşdirir.