Uber özünün uçan taksi servisinin yeni konseptini təqdim etdi
Elm & Texnologiya
08.05.2018
Farid Pardashunas
Uber tərəfindən Los Ancelesdə
keçirilən Elevate adlı tədbirdə şirkət özünün uçan maşınının yeni konseptini təqdim
edib. Şirkətin 2023-cü ilə kimi hava taksisi kimi istifadə etməyi
planlaşdırdığı bu aparat xarici görünüşcə təyyarə ilə vertolyotun birləşməsinə
bənzəyir. Sözügedən uçan aparat dönmə pərinin yerinə üfüqi şəkildə yerləşdirilmiş
əyilə bilən 4 pərlə təchiz olunub. Həmin pərlər aparatın qaldırıcı gücü üçün nəzərdə
tutulub və məsələn eniş edən zaman əyilə bilir.
Beşinci pər isə irəli
istiqamətdə hərəkət üçün nəzərdə tutulub. Əgər pərlərdən biri sıradan çıxsa digər
pərlər aparatın təhlükəsiz enişinə yardımçı olacaqlar. Güman olunur ki,
sözügedən aparat elektriklə çalışacaq və 300-600 metr yüksəklikdə hərəkət edə
biləcək. Uçan taksi üçün olacaq eniş sahələri isə göydələnlərin damlarında yerləşəcəklər.
Həmin eniş sahələrindən hər biri saatda 200 uçuş reallaşdıra bilər. İlkin mərhələdə
uçan taksi pilot vasitəsilə idarə olunacaq. Müəyyən müddətdən sonra isə idarəetmə
avtonom rejimə keçəcək.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ