Apple dünən gecə baş tutmuş təqdimat tədbiri çərçivəsində əsas məhsulları ilə yanaşı USB-C dəstəkli şarj keysinə sahib yenilənmiş AirPods Pro 2 naqilsiz qulaqlığını da təqdim etdi. Daha əvvəl də gözlənildiyi kimi yenilənmiş AirPods Pro 2-də USB-C dəstəyi xaric heç bir vacib dəyişiklik yoxdur. Apple sadəcə olaraq sözügedən naqilsiz qulaqlığın şarj keysində Lightning girişini USB-C girişi ilə əvəz edib. Bu isə öz növbəsində Avropa Birliyinin yeni qanunu səbəbilə edilib. Belə ki, Avropa Birliyinin yeni qanununa əsasən elektron cihazlar vahid USB-C girişinə sahib olmalıdırlar. USB-C girişi dəstəyi xaric yenilənmiş AirPods Pro 2 qulaqlığı orijinal AirPods Pro 2-nin özəlliklərini təkrarlayır. Yenilənmiş AirPods Pro 2-nin satışlarına 22 sentyabr tarixində start veriləcək və onun qiyməti 250$ təşkil edəcək.