Valve şirkəti Steam Deck adlı portativ oyun konsolunu təqdim edib - QİYMƏTİ

Valve şirkəti Steam Deck adlı portativ oyun konsolunu təqdim edib - QİYMƏTİ

Texnologiya
16.07.2021 PAYLAŞIM

    Valve şirkəti özünün portativ oyun konsolunu təqdim edib. Steam Deck adını əldə etmiş yeni portativ konsol Nintendo Switch ilə rəqabət aparmalıdır. Təqdim edilmiş yeni portativ oyun konsolu 60 Hz-lik təsvir yenilənməsini dəstəkləyən 1200x800 piksel keyfiyyətli 7 düym ekrana sahibdir. Ekran həm sağdan həm də soldan müxtəlif idarəetmə düymələri ilə əhatə edilib. Bununla yanaşı idarəetmə düymələrinin yerləşdikləri yerlərdə joysticklər və sensorlu panellər mövcuddur. Əsas texniki özəlliklərə gəldikdə isə Steam Deck konsolu Zen 2 arxitekturasına sahib AMD prosessoru, 3.5 GHz tezlikdə çalışan RDNA 2 qrafik sürətləndirici, 1.0-1.6 GHz tezlikdə çalışan GPU və 16 GB RAM ilə təchiz olunub.


    Steam Deck-in daxili yaddaş həcminə gəldikdə isə o bu məsələdə 3 variantda təqdim olunub: 64 GB eMMC (PCle Gen 2), 256 GB NVMe SSD (PCle Gen 3) və 512 GB NVMe SSD (PCle Gen 3). Oyun konsolunun hər 3 versiyası microSD dəstəyinə sahibdir. Bununla yanaşı Steam Deck Bluetooth 5.0, 2 diapazonlu Wi-Fi, USB-C girişi ilə təchiz olunub. Konsolun USB-C girişi təsvirin xarici ekrana saniyədə 60 kadr sürətlə 8K keyfiyyətində və saniyədə 120 kadr sürətlə 4K keyfiyyətində əks olunmasını dəstəkləyir. Bunun üçün oyun konsolunun komplektində olan xüsusi qoşulma stansiyasından istifadə etmək lazımdır. Qoşulma stansiyasında 2 ədəd USB-A 2.0, 1 ədəd USB-A 3.1, DisplayPort 1.4, HDMI 2.0, Power Delivery dəstəkli USB-CEthernet girişləri mövcuddur.

    Konsol 40 vatt saat gücündə olan batareya ilə çalışır. Oynanılan oyundan asılı olaraq konsol bu batareya vasitəsilə 2-8 saat çalışa bilir. Steam Deck 45 vatt gücündə olan şarj cihazı vasitəsilə şarj olunur. Proqram təminatına gəldikdə, konsol SteamOS 3.0 vasitəsilə çalışır. Onun daxilinə Steam mağazası inteqrasiya edilib. İstifadəçi öz istəyinə uyğun olaraq Steam Deck-ə Windows və ya digər əməliyyat sistemini quraşdıra biləcək. Steam Deck bu ilin dekabr ayında satışa çıxacaq. 64 GB yaddaşa sahib model 400$-a, 256 GB yaddaşa sahib model 530$-a, 512 GB yaddaşa sahib model isə 650$-a satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Naqilsiz yeni Redmi Buds 4 və Buds 4 Pro qulaqlıqları təqdim edilib - QİYMƏTİ..

Redmi brendi 2 ədəd yeni naqilsiz qulaqlığı təqdim edib. Söhbət, Redmi Buds 4 və Buds 4 Pro qulaqlar..


Yeni Xiaomi Mi Band 7 smart qolbağı təqdim edilib - QİYMƏTİ

Redmi brendi Redmi Note 11T Pro və Note 11T Pro+ smartfonlarından əlavə olaraq çoxdan gözlənilən Mi ..


Apple öz cihazlarında fiziki düymələrdən imtina etməyi planlaşdırır

Görünür, Apple şirkəti öz cihazlarında fiziki düymələrdən imtina etməyi planlaşdırır. Şirkətin yeni ..


Snapdragon 8+ Gen 1 və flaqman özəlliklərə sahib Snapdragon 7 Gen 1 prosessorlar..

Qualcomm şirkəti keçirtmiş olduğu xüsusi təqdimat tədbiri çərçivəsində yeni Snapdragon 8+ Gen 1 flaq..


Hələ təqdim olunmamış Xiaomi Mi Band 7 smart qolbağı internet mağazalarının biri..

Xiaomi Mi Band 6 smart qolbağı Çində keçən ilin aprel ayının əvvəlində təqdim edilmişdi...


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..

×