“Virgin Galactic” şirkətinin CEO-su Richard Branson özünün aerokosmik biznes şəbəkəsində 4-cü şirkəti yaratdı.

Yeni təsis edilmiş “VOX Space” adlı şirkət ABŞ da daxil olmaqla digər Qərb ölkələrindən olacaq dövlət sifarişlərini yerinə yetirəcək. Yeni şirkətə, “Virgin Galactic” və “Virgin Orbit” şirkətlərində biznes inkişafı üzrə direktor vəzifəsində çalışmış Mandy Vaugh rəhbərlik edəcək. “VOX Space” Richard Branson-un 4-cü aerokosmik şirkəti oldu.

Bənzər xəbər

Bu günün ən mükəmməl stealth tipli sualtı gəmisi olan Kockums A26.

“Virgin Galactic” varlı turistləri suborbital uçuşlara göndərəcək, “Virgin Orbit” Yer kürəsinin orbitinə peykləri göndərəcək, “Spaceship Company” kosmik gəmilərin inşası ilə məşğul olacaq, “VOX Space” isə “Virgin Group” şirkətinin kosmik biznesinin 10%-ni təşkil edəcək dövlət sifarişlərini yerinə yetirəcək. Yeni şirkət 2019-cu ildə 12 uçuş, 2020-ci ildə isə 24 uçuş reallaşdırmağı planlaşdırır.

Baxmayaraq ki, “Virgin Group” şirkətinin kosmik texnologiyaları hələki test mərhələlərindən kənarda öz etibarlıqlarını sərgiləməyiblər, potensial müştərilər hələki azalmır. “VOX Space”i ayrıca müəssisə kimi yaratmaq, Richard Branson-un strateji qərarı idi. Beləliklə o, kənardan investisiyaların cəlb olunması baxımından problemlərin yaşanmasından canını qurtarır. Onu da qeyd etmək lazımdır ki, keçən həftə Səudiyyə Ərəbistan, Branson-un aerokosmik biznesinə 1 milyard dollar investisiya yatırmışdı.