Virtual reallığa əsl insanları daxil ediblər (VİDEO)
Elm & Texnologiya
31.01.2018
Farid Pardashunas
Imverse adlı startap virtual reallığa əsl obyektləri əlavə etməyə imkan verən yeni sistemi təqdim edib.
Yeni sistem vasitəsilə istifadəçi
virtual reallıqda özünü və digər insanları görə və onlarla qarşılıqlı əlaqədə
ola bilər. Bu barədə Techcrunch saytı xəbər verib. Müasir virtual reallıq
cihazları artıq minimal gecikmələr ilə real təsvirləri əks etdirə bilirlər.
Lakin virtual reallıq sahəsində əsas probelmlərdən biri hələ də həll edilməyib.
Söhbət, real obyektlərlə qarşılıqlı əlaqədən gedir. Bu cür qarşılıqlı əlaqələr
üçün prototip cihazlar artıq mövcuddur.
Lakin onların yaradıcıları öz diqqətlərini
əsasən toxunuş hislərinə yönəldirlər. Məsələn real obyektlərin ölçü və kütlələrini
hiss etməyə imkan verən VR əlcəklər artıq var. Imverse adlı startapın mühəndisləri
isə real insanların üçölçülü təsvirlərini virtual reallığa ötürə bilən sistemi
təqdim ediblər. Yaradıcılar yeni sistemin texniki özəllikləri barəsində məlumat
verməsələr də təqdim olunmuş videodan da görmək olar ki, insanın hərəkətləri
Microsoft Kinect kameraları vasitəsilə təyin olunur. Maraqlısı ondadır ki, digər
cihazlardan fərqli olaraq bu yeni sistem virtual avatarı deyil real insanın bədəni
və geyiminin təsviri əsasında yaradılmış modeli əks etdirir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək