Vitalik Buterin: 'Kriptovalyutaların dəyəri hər an düşə bilər'
Elm & Texnologiya
19.02.2018
Farid Pardashunas
Ethereum platformasının həmtəsisçisi Vitalik Buterin kriptovalyutaları ən böyük qiymət dəyişikliklərinə məruz qalmış aktivlər sinfi adlandırıb.
Bundan əlavə olaraq o,
kriptovalyutalara yalnız o pulları yatırmağı məsləhət görüb hansıları ki,
insanlar itirməkdən qorxmurlar. O həmçinin ənənəvi aktivlərə yatırım etməyi məsləhət
görüb. Belə ki, onlar kriptovalyutalardan fərqli olaraq daha təhlükəsizdirlər.
Vitalik Buterin kriptovalyutalara investisiyaların riskləri barəsində xəbərdarlığı
öz Twitter hesabında edib. O, kriptovalyutaları ən böyük qiymət dəyişikliklərinə
məruz qalmış yeni aktivlər sinfi adlandırıb və onların dəyərlərinin hər an
sıfıra enmək riski olduğunu bildirib.
“Kriptovalyutyalara yalnız o pullarınızı
yatırın hansıları ki, itirməkdən qorxmursunuz” – deyə Vitalik öz Twitter hesabında
bildirib. Onun xəbərdarlığı ilk növbədə kredit götürərək bitcoin və altcoinlər
alan kriptovalyuta investorlarına şamil olunur. Coindesk saytının məlumatına əsasən
kriptoinvestorların 20%-i kriptovalyutaları kredit vəsaitlər sayəsində alırlar.
Fevral ayının əvvəlində ABŞ və İngiltərənin bir neçə böyük bankı kredit kartlar
vasitəsilə kriptovalyuta əməliyyatlarına qadağa qoydu. Onlar bunu bitcoinin və
altcoinlərin qiymətlərinin dəyişiklikləri ilə izah etdilər. Vitalik həmçinin
insanlara öz vəsaitlərinin kriptovalyuta şəklində saxlanmamasını da məsləhət
görüb. “Əgər siz öz vəsaitlərinizin saxlanması üçün əlverişli variant
axtarırsınızsa ən yaxşı üsul ənənəvi aktivlərdir” – deyə o qeyd edib.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)