Walmart özünün ilk süni zəka sistemli mağazasını istifadəyə verib
Elm & Texnologiya
29.04.2019
Farid Pardashunas
Öz sahəsindəki liderliyini əldən verməmək üçün dünyanın ən böyük riteyleri olan Walmart bu yeni texnologiyaları köməyə çağırır. Kameralar və robotlar mağaza işçilərini əvəz etmirlər. Lakin onlara kömək edirlər. Bu barədə Engadget saytına istinadən Hightech.plus saytı xəbər verib. Nyu York ştatınn Levittaun şəhərində Walmart-ın ilk avtomatlaşdırılmış mağazası fəaliyyətə başlayıb. Ağıllı kameralar və robotlar boş mağaza rəflərinə məhsulların yerləşdirilməsində və mağazanın müxtəlif yerlərində müştərilər tərəfindən qoyulmuş arabaların yığılmasında mağaza əməkdaşlarına kömək edirlər.
Avtomatlaşdırılmış Amazon Go mağazasından fərqli olaraq Walmart-ın bu mağazasındakı kassalarda müştərilərin alış prosesini adi insanlar reallaşdırırlar. Sözügedən mağaza artıq öz ilk müştərilərinə xidmət göstərməyə başlayıb. Konfidensiallıq ilə bağlı məsələlərdə problem yaşamamaq üçün Walmart mağazadakı kameraları gizlətmir və supermarket müştərilərinə yeni texnologiyalar barədə məlumat vermək üçün mağaza daxilində xüsusi ekran panelləri yerləşdirir. Əldə olunmuş bütün məlumatlar isə şirkətin serverlərində 1 həftədən az bir müddətdə saxlanılır.
Walmart qeyd edib ki, mağazaların avtomatlaşdırılması prosesi adi insan işçilərinin işdən çıxarılmasına səbəb olmayacaq. Yeni texnologiya mağaza əməkdaşlarını sadəcə olaraq rutin işlərdən azad edəcək. Hələ məlum deyil ki, şirkət adi insanların iş yerlərini uzunmüddətli perspektivdə saxlaya biləcək yoxsa yox. Məlum olan odur ki, Amazon şirkətinə uduzmamaq üçün yaxın zamanda Walmart süni zəka texnologiyası ilə təcrübə aparmağa davam edəcək.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ