Windows və Mac əməliyyat sistemlərini əvəz edə biləcək ən gözəl Linux əməliyyat sistemləri
Elm & Texnologiya
17.04.2018
Linux əməliyyat sistemi insanlar arasında daha da populyarlaşmağa başlayıb. Bu gün Linux istifadəçilərinin sayı heç də az deyil. Əvvəllər Linux əməliyyat sistemi digər əməliyyat sistemlərindən gələn istifadəçiləri qane etmirdi. Proqram azlığı, istifadə zamanı texniki səhvlərin mövcudluğu və bəzi problemlərin həllinin tapılmasının çətinliyi insanları bu əməliyyat sisteminə keçməyə tərəddüd etməsinə səbəb olurdu. Lakin, keçdiyimiz illər ərzində Linux sistemi daha da inkişaf edərək, günümüzdə bir çox standarta cavab verir. Bu məqaləmizdə, Linux əsaslı 3 ən gözəl əməliyyat sistemi haqqında məlumat verəcəyik. Bu əməliyyat sistemləri hal hazırda populyar və ideal dizayna sahib ən gözəl Linux distrolarıdır.
Elementary OS
Linux əsaslı ən gözəl
distrolardan biridir. Sistem MAC və Windows sistemlərinin keyfiyyətlərini özündə
cəmləşdirməklə sürətli və eleqant təcrübə təqdim edir. Hal hazırda əməliyyat
sistemi dünyasında minlərlə distro var, lakin Elementary OS daha çox Windows`dan
bezən sadə istifadəçilər və gənc, təcrübəsiz proqramçılar üçün nəzərdə tutulub.
Sİstemin dizaynı MacOS`u xatırladır. Əməliyyat sistemi çox yüngüldür, çünki
Ubuntu sistemində mövcud olan bir çox proqram burada yer almır və ya onların
alternative versiyalarıla ilə əvəz olunub. Bununla da əməliyyat sistemi sürətli
istifadə təcrübəsi bəxş edir. Əlavə olaraq, sistemin eleqant dizaynına görə
adaptasiya olmaq prosesi de uzun çəkmir.
Elementary OS`u seçmək üçün ən əsas
səbəblər:
- 1. macOS`a
bənzər dizaynı
- 2. Yüngül
və effektiv olması
- 3. Tərkibində
lazımi proqramların mövcudluğu
Deepin OS
Deepin əməliyyat sistemi Linux əsaslı
sistemlər arasında ən gözəl dizayna sahib distrodur. Sistem özlüyündə həm
macOS`u həm də Windows əməliyyat sistemini xatırladır. Deepin əməliyyat sisteminin
özünə məxsus mühiti var. Tənzimləmələr bölümü, ikonlar, siçan göstəriciləri, hətta
bildirimlər bölməsi əla inteqrasiya olunub. Tənzimləmələr bölməsi sağda ümumi
panel şəklində qarşımıza çıxır və sadə dizaynı ilə əməliyyat sistemini tənzimləməyi
sadələşdirir. Bundan başqa işçi masasının hər küncünün xüsusi funksiyaları
vardır ki, istifadəçilərin işini daha da asanlaşdır. Sistemin ən önəmli
üstünlüyü isə onun proqram mağazasıdır. Çünki Deepin əməliyyat sistemində
mövcud olan marketin təqdim etdiyi proqram siyahısını heç bir Linux və ya
Ubuntu əsaslı əməliyyat sistemləri təklif etmir.
Deepin əməliyyat sistemini seçmək
üçün əsas səbəblər:
- 1. Yenilikçi
xüsusiyyətlər
- 2. Vizual
dizayn
- 3. Deepin
mağazası
- 4. Sadə
və asan şəkildə qurulması
Solus OS
Siyahıya Solus əməliyyat sistemi
ilə davam edirik. Solus əməliyyat sistemi həmkarlarından fərqli olaraq
minimalist və eleqant istifadə təcrübəsi təklif edir. Özlüyündə Budgie mühitini
birləşdirən əməliyyat sistemi müasir görünüşə sahibdir.
Budgie masa üstü pəncərəsi GNOME
ilə birlikdə fəaliyyət göstərir, lakin Shell funksiyası mövcud deyil. Əsas
menyudan mövcud olan proqramlara çıxış əldə edə bilərsiniz. Pəncərənin sağ
küncündə saat, bildirimlər, təqvim, səs tənzimləyicisi və s. yerləşdirilib. Son
zamanlar Solus əməliyyat sisteminin mağazası da təkmilləşdirilib.
- Solus əməliyyat sistemini seçmə səbəbləri:
- Ən sürətli inkişaf edən distro
olması
- Budgie masa üstü
- Snaps dəstəyi
- Sistemin effektiv işlək olması
Linki kopyala
Bənzər xəbərlər
Oxşar xəbərlər
Həftənin xəbərləri
