Xiaomi BlackShark gamer smartfonunun təqdimat tarixi məlum oldu
Elm & Texnologiya
02.04.2018
Emil Nəcəfov
Black Shark Technology şirkəti
özünün BlackShark adlı ilk gamer smartfonunun təqdimatına dəvətnamələr göndərib.
Məlumata əsasən belə bir smartfonun yaradılmasında əsas vasitəçi şirkət
Xiaomi-dir. Beləliklə yeni smartfonun təqdimatı 13 Aprel tarixində baş tutacaq.
Görünür, smartfon sözün əsl mənasında güclü olacaq. Hal-hazırda smartfon barəsində
təsdiq olunmuş bir məlumat ondan ibarədir ki, Xiaomi BlackShark 2.8 GHz
tezlikli 8 nüvəli Snapdragon 845 prosessoru və Adreno 630 qrafik sürətləndiricisi
ilə təchiz olunacaq. Onun qalan özəlikləri isə benchmark saytı sayəsində məlumdur.
Belə ki, smartfon 8 GB RAM və 32 GB daxili yaddaşa sahibdir. Lakin qeyd etmək
lazımdır ki, 32 GB daxili yaddaş yalnız prototip versiyada idi. Yəni təqdimatda
olacaq final versiyada 128 GB daxili yaddaş təqdim oluna bilər. Ekran ölçüsü
barəsində məlumat olmasa da, çox güman ki, o, 18:9 nisbətində və 2160x1080
piksel keyfiyyətində olacaq. Smartfonun hələ ilk tizer fotolarından məlum idi
ki, o, yaşıl rəngin iştirakı ilə olacaq aqressiv dizayna sahibdir. Buna
baxmayaraq Xiaomi-nin bu layihədə iştirakının təsdiqlənib-təsdiqlənməyəcəyi də
tam aydın deyil. Sözügedən cihazın Mi Home adlı crowdfunding platformasında
maliyyələşdirilməsi elan olunsa heç təəccüblü olmayacaq.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!