Xiaomi-dən Redmi Note 9 Pro-nun qlobal versiyası və tamamilə yeni Redmi Note 9 - QİYMƏTİ

Xiaomi-dən Redmi Note 9 Pro-nun qlobal versiyası və tamamilə yeni Redmi Note 9 - QİYMƏTİ

Texnologiya
01.05.2020 PAYLAŞIM

    Dünənki online təqdimat zamanı Xiaomi şirkəti bir neçə müddət bundan öncə Çin bazarında satışa çıxmış Redmi Note 9 Pro-nun qlobal versiyasını və tamamilə yeni Redmi Note 9-u təqdim etdi. Əvvəlki modellərdən fərqli olaraq yeni smartfonlar yenilənmiş dizayn və təkmilləşdirilmiş texniki özəlliklər əldə ediblər. Bundan əlavə olaraq hər iki smartfon NFC modula sahibdir. Beləliklə Redmi Note 9 Pro smartfonu nazik çərçivələrə sahib 6.67 düym IPS ekran ilə təchiz olunub.

    Ekranın yuxarı mərkəz hissəsində isə ön kamera üçün nəzərdə tutulmuş kiçik dairəvi çıxıntı yerləşdirilib. Bununla yanaşı Redmi Note 9 Pro-nun ekranı Gorilla Glass 5 qoruyucu şüşəsi ilə əhatələnib. Barmaq izi skanı texnologiyası smartfonun yandırıb/söndürmə düyməsinə inteqrasiya edilib. Qeyd etmək lazımdır ki, Xiaomi şirkəti bu smartfonda 3.5 mm-lik audiogirişi qoruyub saxlayıb.


    Əsas texniki özəlliklərə gəldikdə Redmi Note 9 Pro modeli Snapdragon 720G prosessoru, Adreno 618 qrafik sürətləndirici, 6 GB RAM, 64/128 GB daxili yaddaş həcmi, 64 MP (f/1.89 diafraqma) + 8 MP (f/2.2 diafraqmalı ultragenişbucaqlı sensor) + 5 MP (f/2.4 diafraqmalı makroobyektiv) + 2 MP (f/2.4 diafraqmalı ToF ssensor) dördlü arxa kamera, 16 MP-lik ön kamera və 30 vatt gücündə sürətli şarj texnologiyalı 5020 mAh enerji tutumlu batareya ilə təchiz olunub. 64 GB daxili yaddaşa sahib model 269$-a, 128 GB daxili yaddaşa sahib model isə 299$-a satılacaq.

    Adi Redmi Note 9 modelinə gəldikdə isə o, Pro modelin dizaynında reallaşdırılıb. Lakin ondan bəzi özəlliklər ilə fərqlənir. Məsələn adi Redmi Note 9 modeli 6.53 düym IPS ekrana sahibdir. Ön kamera isə ekranın yuxarı sol hissəsindəki kiçik dairəvi çıxıntı daxilində yerləşdirilib. Pro modeldən fərqli olaraq adi Redmi Note 9-da barmaq izi skanı texnologiyası arxa paneldə yerləşdirilib. Pro modeli kimi bu smartfonun ekranı da Gorilla Glass 5 qoruyucu şüşəsi ilə əhatə edilib.

    Smartfon MediaTek Helio G85 prosessoru, 3/4 GB RAM, 64/128 GB daxili yaddaş həcmi, 48 MP (f/1.79 diafraqma) + 8 MP (f/2.2 diafraqmalı ultragenişbucaqlı sensor) + 2 MP (makroobeyktiv) + 2 MP (f/2.4 diafraqmalı ToF sensor) dördlü arxa kamera, 13 MP-lik ön kamera və 18 vatt gücündə sürətli şarj texnologiyalı 5020 mAh enerji tutumlu batareya ilə təchiz olunub. 3 GB RAM və 64 GB daxili yaddaşa sahib model 199$-a, 4 GB RAM və 128 GB daxili yaddaşa sahib model isə 249$-a satılacaq. Hər iki smartfon may ayının ortasında satışa çıxacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Məşhur analitik AirPods Pro 2-nin nə zaman satışa çıxacağını açıqlayıb..

Naqilsiz AirPods Pro qulaqlıqlarının birinci nəsli 2019-cu ilin oktyabr ayında satışa çıxmışdı...


Naqilsiz yeni Redmi Buds 4 və Buds 4 Pro qulaqlıqları təqdim edilib - QİYMƏTİ..

Redmi brendi 2 ədəd yeni naqilsiz qulaqlığı təqdim edib. Söhbət, Redmi Buds 4 və Buds 4 Pro qulaqlar..


Yeni Xiaomi Mi Band 7 smart qolbağı təqdim edilib - QİYMƏTİ

Redmi brendi Redmi Note 11T Pro və Note 11T Pro+ smartfonlarından əlavə olaraq çoxdan gözlənilən Mi ..


Apple öz cihazlarında fiziki düymələrdən imtina etməyi planlaşdırır

Görünür, Apple şirkəti öz cihazlarında fiziki düymələrdən imtina etməyi planlaşdırır. Şirkətin yeni ..


Snapdragon 8+ Gen 1 və flaqman özəlliklərə sahib Snapdragon 7 Gen 1 prosessorlar..

Qualcomm şirkəti keçirtmiş olduğu xüsusi təqdimat tədbiri çərçivəsində yeni Snapdragon 8+ Gen 1 flaq..


Hələ təqdim olunmamış Xiaomi Mi Band 7 smart qolbağı internet mağazalarının biri..

Xiaomi Mi Band 6 smart qolbağı Çində keçən ilin aprel ayının əvvəlində təqdim edilmişdi...

×