Gamerlər üçün hazırlanacaq yeni smartfonun texniki göstəriciləri də internetə sızdırılıb. Belə ki, məşhur bençmark saytı olan AnTuTu-da Blackshark adlı smartfon barəsində məlumatlar əlavə olunub. Həmin məlumatlara əsasən yeni smartfon 8 nüvəli Snapdragon 845 prosessoru, 8 GB RAM və 32 GB daxili yaddaş ilə təchiz olunacaq.

Ekranın ölçüsü məlum olmasa da, o, 18:9 nisbətində olacaq və 2160x1080 piksel keyfiyyətinə sahib olacaq. Çox güman ki, onlar oyunlara ola biləcək yüksək yüklənmə səbəbilə bilərəkdən QHD+ keyfiyyətində ekranı seçməyiblər. Şirkətin smartfonu AnTuTu testindən 270.000 xal ilə keçib. Müqayisə üçün qeyd etmək lazımdır ki, Razer Phone adlı oyun smartfonu 100.000 xal aşağı göstərici təqdim edir.