Xiaomi Mi 8-in qutusunun fotosu smartfon barəsində gözlənilməz özəlliyi ortaya çıxartdı
Elm & Texnologiya
27.05.2018
Emil Nəcəfov
İnternetdə təqdimata hazırlaşan
Xiaomi Mi 8 modelinin qutusunun fotosu yayılıb. Ənənəvi olaraq sözügedən
qutunun üzərində smartfonun özəllikləri barəsində məlumatlar əks olunub. Bu barədə Gizchina saytı xəbər verib. Həmin
məlumatlardan çoxusunun barəsində bizim çoxdan xəbərimiz olsa da, bəziləri həqiqətən
də yeni məlumatlar oldular.
Beləliklə Xiaomi Mi 8 8 nüvəli Snapdragon 845
prosessoru, 6 GB RAM, 64 GB daxili yaddaş, süni zəka texnologiyalı ikili arxa
kamera, 20 MP-lik ön kamera, iki SIM kart girişi və USB Type-C girişi
(komplektdə 3.5 mm audigiriş üçün xüsusi keçid naqili olacaq) ilə təchiz
olunacaq. Bütün bunlar gözlənilən özəlliklərdir. Maraqlı yenilik isə ondan
ibarətdir ki, Xiaomi Mi 8 dünyada ilk smartfon olacaq ki, keçən ilin Sentyabr
ayında anons olunmuş Broadcom BCM47755 GPS modula sahib olacaq.
Bütün müasir
smartfonlarda GPS cihazın yerini 5 metrlik ərazidə təyin edə bilir. Broadcom-un
yeni GPS modulu isə 30 sm-lik dəqiqliklə çalışır. Bundan əlavə olaraq Mi 8
modelində istifadəçi üzünün 3D skan texnologiyasının necə çalışması üzrə foto
da yayılıb. Smartfon vasitəsilə istifadəçi üzünün qeydiyyatdan keçirilməsi
prosesi iPhone X modelindəki kimidir. Qeyd etmək lazımdır ki, Xiaomi Mi 8, Mi
Band 3 və MIUI 10-nun təqdimatı 31 May tarixində baş tutacaq.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək