Xiaomi Mi Mix 3'ün ilk real fotosu sızdırıldı
Elm & Texnologiya
29.06.2018
Emil Nəcəfov
Hələ keçən ilin Sentyabr ayında
Xiaomi şirkəti öz çərçivəsiz Mi Mix modelinin ikinci nəslini satışa
çıxartmışdı. Bu ilin Mart ayında isə həmin modelin daha təkmilləşdirilmiş
versiyası olan Mi Mix 2s modeli satışa çıxdı. İndi isə internetdə Mi Mix 3
smartfonunun real fotosu yayılıb. Yayılmış fotodan da görmək olar ki, Mi Mix 3
hər tərəfdən çərçivəsiz olacaq və ekran üzərində çıxıntı hissəyə sahib
olmayacaq. Lakin burdan belə bir sual yaranır ki, əgər yeni modelin ekranının üzərində
çıxıntı hissəsi olmasa, onda ön kamera harda yerləşəcək?
Çox güman ki, Xiaomi
şirkəti Vivo və Oppo şirkətlərinin yolu ilə gedə bilər. Yəni ön kamera smartfonun
yuxarı hissəsindəki xüsusi paneldə yerləşə bilər. Ön kamera vasitəsilə şəkil çəkmək
istəyən zaman həmin panel ortaya çıxacaq. Güman olunur ki, arxa paneldən yeni model
Mi Mix 2s-i xatırladacaq: Keramik korpus, şaquli şəkildə yerləşdirilmiş ikili
arxa kamera və işıqlandırma sistemi.
Bununla yanaşı çox güman ki, barmaq izi
skanı texnologiyası ekrana inteqrasiya olunmayacaq. O, standart şəkildə smartfonun arxa
panelində yerləşəcək. Bu ilki bir çox flaqman modelləri kimi Mi Mix 3-ün də
Snapdragon 845 prosessoru, 8 GB RAM və 256 GB daxili yaddaş ilə təchiz
olunacağı gözlənilir. Xiaomi şirkəti hələki yeni model Mi Mix barəsində heç bir
rəsmi məlumat verməyib. Lakin nəzərə alsaq ki, əvvəlki model Sentyabr ayında təqdim
olunmuşdu, Mi Mix 3-ün də bu ilin Sentyabr ayında təqdim olunması halı heç də təəccüblü
olmayacaq.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!