Xiaomi Pad 6 Pro planşeti Geekbench testlərindən keçib

    Xiaomi şirkətinin 18 aprel tarixində təqdim edəcəyi Pad 6 planşet seriyasına daxil olacaq Pad 6 Pro modelinin Snapdragon 8+ Gen 1 prosessoru vasitəsilə çalışacağı artıq məlumdur. Planşetin təqdimatına az müddət qalmış o, Geekbench testlərindən keçib. Geekbench testlərindən keçmiş Xiaomi Pad 6 planşeti 12 GB RAM-a və Android 13 əməliyyat sisteminə sahibdir. Beləliklə planşet Geekbench-in bir nüvəli testi çərçivəsində 1712 xal, çox nüvəli testi çərçivəsində isə 4348 xal toplayıb. Son məlumat sızıntılarına əsasən Xiaomi Pad 6 Pro planşeti 120 Hz-lik təsvir yenilənməsinə sahib 2.8K keyfiyyətli 11 düym AMOLED ekran və 67 vatt gücündə sürətli şarj texnologiyasının dəstəyinə sahib batareya ilə təchiz olunacaq.