Poco X2-nin təqdimatından sonra Xiaomi şirkəti Poco F1 smartfon modelinin aqibəti barəsində məlumat verdi. Belə ki, şirkətin general meneceri India Today saytının jurnalistlərinə müsahibə verən zaman Poco F1-in aqibəti barəsində danışıb. Onun sözlərinə əsasən şirkət Poco F1 smartfonunun satışlarını və istehsalını dayandırır. Bunun dəqiq səbəbini menecer qeyd etməyib. Lakin o qeyd edib ki, Qualcomm şirkəti artıq Snapdragon 845 prosessorunu istehsal etməyəcək.

    Qeyd etmək lazımdır ki, Poco F1 smartfonu məhz Snapdraogn 845 prosessoru ilə təchiz olunurdu. Poco F1 2018-ci ildə 300$ qiymətində satışa çıxmışdı. Sözügedən smartfon 6.18 düym IPS LCD ekran, 6/8 GB RAM, 64/128/256 GB daxili yaddaş həcmi, 12 MP + 5 MP ikili arxa kamera və 4000 mAh enerji tutumlu batareya təchiz olunurdu. Satışa çxıan zaman smartfon Android 8.1 Oreo əməliyyat sistemi vasitəsilə çalışırdı. Lakin sonradan o, Android 9 Pie və bir neçə həftə bundan sonra Android 10 dəstəyini əldə etdi.